HISTORIES DE CUANDO YÉRAMOS NEÑOS

  ENTE LES HISTORIES DE CUANDO YEREN NEÑOS COLÓSENOS UNA QUE BIEN PODRÍA SER UN RELLATU DE HALLOWEEN. ¿CUALA SERÁ?

Namás entamar el colexu había un neñu que na clas siempre me quitaba´l sitiu, entós acabé cansándome y un día metí-y una patada en tol focicu, entós el neñu empezó a llorar y a mí castigáronme y llamaron a los mios pas, que s'enfadaron muncho conmigo.

 Un día, con cuatro añinos, díbemos Eric, Joserra y yo peles caleyes de Noreña. Nesto diz Xoserra:
-Meca un llimiaguín...

  Como ye normal, naide-y fizo casu. Llueu atopamos un esperteyu feríu con un ala rota, punxímos-y una venda, llevámoslu a un sitiu peraltu y lanzámoslu pa que volase, pero la venda taba mal puesta y cayó nel mesmu sitiu que taba enantes.

P'afogar les penes fuimos a xugar a la consola y a tomar unos zuminos multifrutes.

  Cuando yo tenía tres añinos tuvi un perru al que quería muncho.Prestábame xugar con él. Un día garré y vi que´l perru taba durmiendo y fui p´allá, púnxime enfrente d´él y mordí-y una pata de broma pero entós entamó a lladrar y mio ma vino a reñime.

   Y tamién otru día garré y metílu na llavadora y cuando ya taba coles pates y la cabeza metía dientro llegó la mio ma y entamó a dar voces: ¡pero que faes Alejandro! Y yo contesté-y que'l perru taba mui suciu...

  Cuando tenía siete años fui colos mios pas a Xixón a la feria de muestres pa pasar el día. A la hora de comer yo taba cola mio ma viendo un puestu de pulseres, distraíme un momentu y cuando di la vuelta mio ma ya nun taba. Yo púnxime pernerviosa al nun la ver, miré pa tolos llaos pero seguía ensin vela. Sentéme nun bancu qu'había enfrente a esperalos. Al cachu llegaren a por mi y yá nun me solté enxamás de la mano de la mio ma.

  17 de payares
 Casa d'Elías, tábemos Xuan y yo xugando a los tazos, cuando Elías lliberó los tres hámsters que tenía de mascotes.

Nosotros siguimos xugando ensin danos cuenta que diba a ocurrir dalgo aterrador. Elías sacó'l triciclu y empezó a atropellalos ún a ún.

  Xuan y yo, atónitos, quedamos pasmaos, y ensin facer nada, dexamos qu´esi mozu demente y testerón los aniquilare. El primeru atropellólu y morrió nel actu, al segundu dexólu inconsciente y tirólu pol váter y l'últimu tres quince minutos incansables xugando con él a alcontralu tirólu pela ventana, con tan mala suerte que cayó enriba d'un coche delantre'l supermercáu.

OTRA HISTORIA DE HALLOWEEN

  Escrita por Cristian Fernández:

  ÉL

  Día 12 dempués de la llegada

  Sigo equí, nesti condenáu sitiu que nun me traxo más que problemes. Él sigue rondando pelos pasiellos.

  Mesmu día 5 minutos dempués

  Oigo un ruíu que ta atorollándome los oyíos, pero enantes de salir d´equí y dar media vuelta p'alcontrar seguramente la mio muerte, quiero respirar por última vez l´aire d´esta, la mio morada, durante 12 díes.

  (Na mesa onde taba escribiendo'l nuestru perxonaxe solo quedó una semeya que se-y escaeció, una foto de lo que paecía él mesmu, pero col rostru tremendamente deformáu).

  Día 13. Ta buscándome

  LLogré vadiame d'Él pero paez que nun toi mui seguru nesti sitiu, al dar la vuelta a la esquina pudi ver una puerta resplandorienta, pero namás acercame vi como desapaecía delantre los mios güeyos. Por suerte alcontré una puerta metálica a la mio derecha y metíme dientro de la sala que protexía. Güei pasare mieu, vi'l so rostru, ye horrible, incomparable a cualquier tortura humana, pero lo que me da más mieu ye que ta buscándome.

  Día 17. Tengo mieu

  Llevo encerráu equí varios díes, nun salí aún porque de xemes en cuando, óyese como Él intenta desgarrar la puerta coles sos manes. Nestos momentos tengo mieu de dame la vuelta polo que pueda alcontrar, tengo mieu de perturbar esti silenciu con un movimientu, tarrezco qu' Él te tres de mi.

  Día 18. Voi salir

  Ya nun puedo más, finalmente dime cuenta qu´equí los díes nun pasen, qu´equí ye solo esperar unes hores que son les últimes que vas vivir. NUN PUEDO AGUANTAR MÁS ESTI SILENCIU, VOI SALIR D´EQUÍ. 

  (Cuando salió dióse cuenta de qu'Él taba ellí na puerta esperándolu, entós solo s'oyó un glayíu desgarrador y un soníu espeluznante, pero pronto volvió'l silenciu y Él quedó esperando a otru valiente que s'atreviera a entrar nel so xuegu.)