Equí vos dexo'l rellatu de María Pidal, ún de los meyores:
EL ATAPECER DE LA GÜESTIA
La güestia ye una vieya reseca de güeyos grandes y finos que se confunde con delles aves nocherniegues. Ye una especie de vampiru que tien na so boca un diente qu´utiliza pa chupar el sangre de los neños que duermen nes sos cunes, causándo-yos que muerran al momentu.
EL ATAPECER DE LA GÜESTIA
La güestia ye una vieya reseca de güeyos grandes y finos que se confunde con delles aves nocherniegues. Ye una especie de vampiru que tien na so boca un diente qu´utiliza pa chupar el sangre de los neños que duermen nes sos cunes, causándo-yos que muerran al momentu.
Dalgunos dicen que se trata d'una bruxa que chupa´l sangre.
Otros dicen que ye mitá páxaru mitá muyer.
Un día d´iviernu, na casa los mios güelos yera de nueche y yo yera la única que taba llevantada en casa, lleendo un llibru. La casa taba nun pueblu y nun tenía cases alredor, solo había una y taba abandonada porque la paisana morriera y... ¿Quién va querer una casa en mediu´l monte?
Sigo cola historia, fui pa la cocina a por un vasu de lleche y pa la mio sorpresa escuchóse una nana na casa de al llau. Miré pela ventana, había lluces, nun me preocupé, sería daquién que la mercare. Volví pa la salita, taba too tranquilo hasta que picaron a la puerta con un canciu sele, nun m´atreví a abrir asina que llamé al mio güelu, qu´abrió y nun pasó nada. Peslló la puerta diciendo que sería Manolo´l nietu de Xuan, que yera un mazcayón y siempre andaba molestando, yo asentí cola cabeza y escapóseme una leve risuca pero aún asina díxe-y que se quedase conmigo, asina fizo.
Sobre la una la mañana escuché un portazu na habitación del afiáu de la mio güela que se quedó con nosotros y nun tenía tovía l´añu, miré pal mio güelu que taba tan dormíu que-y caía hasta la baba, decidí dir yo, taba too prieto y entamé a goler dalgo perfuerte. Entré a la habitación recubierta de moqueta y foi cuando pisé daqué pegañoso. Enantes de prender la lluz, oyí otra vez la nana, y vi a una paisana clavándo-y un diente tou negru y torcíu al probe neñu nel pescuezu, la muyer diose cuenta de la mio presencia y escapó volando, yo nun pudi retener les llágrimes y el dolor, marché corriendo y dime cuenta de que despertaren los mios güelos, conté-yoslo too llorando y ellos entamaron a enlloquecer, dixeron que yá morrieren otros años neñinos asina dende que finare la paisana de la casa. Mio güela enseñóme una semeya que tenía de la vecina, sequé les llágrimes y dixi ente suspiros: ¡¡¡Ye ella!!!